Zjarret në jugperëndim të Francës arrijnë në bregdet

Zjarret që shpërthyen në Francën jugperëndimore të dielën arritën në bregdet, duke mos treguar shenja të ngadalësimit, transmeton Anadolu Agency (AA).

Sipas Departamentit Gironde, në dy zjarret së bashku janë djegur mbi 11.000 hektarë pyje. Zona e djegur është e barabartë me madhësinë e Parisit.

Një video në Twitter tregoi flakët masive dhe tymin duke përfshirë pyjet ngjitur me bregdetin në La Teste-de-Buch.

Më shumë se 3.400 hektarë tokë janë shkatërruar nga zjarri këtu.

Në Landiras, ku u dogjën rreth 7.500 hektarë pyll, autoritetet evakuuan 2.100 njerëz në komunën Cabanac të dielën mbrëma.

Më shumë se 1.200 zjarrfikës, katër makina zjarrfikëse dhe dy avionë Dash po përpiqen të shuajnë zjarret.

Shuarja vështirësohet nga era dhe temperaturat e larta të ajrit.

Më shumë se 14.000 njerëz, përfshirë turistë dhe vendas, janë evakuuar nga zjarri që shpërtheu të martën. Kryeministrja Elisabeth Borne konfirmoi se zjarri u shkaktua nga një shkëndijë nga një makinë elektrike.