Zbulohet identiteti i agresorit të tretë në sulmet e Parisit

PARIS (AA) - Zbulohet identiteti edhe i njërit prej autorëve të sulmit në kryeqytetin e Francës, Paris, i cili ndodhi më 13 nëntor në sallën e koncerteve Bataclan, raporton Anadolu Agency (AA).

Në lajmet e medias franceze, njoftohet se Fuad Muhammed Aggad, është i sulmuesi i tretë vetëvrasës që shkaktoi vdekjen e 90 personave në sallën e koncerteve.

Pretendohet se Aggad-i ka jetuar në Strazburg dhe për një kohë ka qenë në Siri.

Më parë ishte njoftuar se dy sulmues vetëvrasës të tjerë të cilët kanë sulmuar sallën e koncerteve Bataclan, ishin 29 vjeçari Ömer İsmail Mostefai dhe 28 vjeçari Sami Amimour.

Në sulmet terroriste në Paris të ndodhura më 13 nëntor, 130 persona humbën jetën dhe 351 u plagosën. Organizata terroriste DAESH, mori përgjegjësinë e këtyre sulmeve.

Pas sulmeve në Francë u shpall gjendje e jashtëzakonshme.