Ylli i Harry Potter, Michael Gambon vdes në moshën 82-vjeçare

Aktori britanik Michael Gambon, i njohur për rolin e tij si Dumbledore në serinë e filmave "Harry Potter", ka vdekur në moshën 82-vjeçare, njoftoi familja e tij, transmeton Anadolu.

Karriera e Michael Gambon zgjati për vite të tëra dhe shënohet nga role të shumta, të cilat treguan talentin e tij të jashtëzakonshëm.

Portretizimi i tij i Dumbledorit, drejtorit të mençur dhe enigmatik të Shkollës së Magjisë Hogwarts, kënaqi miliona fansa në mbarë botën.

Ai i solli thellësi dhe gravita karakterit që mori në pjesën e tretë të serialit me tetë filma, pasi zëvendësoi të ndjerin Richard Harris në vitin 2004.

Përveç rolit të Dumbledore, Sir Michael luajti detektivin francez Jules Maigret në serialin ITV Maigret. Ai është gjithashtu i njohur për rolin e tij si Philip Marlowe në Dennis Potter's The Singing Detective.

Gambon u shfaq në shumë shfaqje të bazuara në veprat e William Shakespeare si Othello, Hamlet, Makbeth dhe Coriolanus.