Vriten dy jordanezë në Las Vegas të SHBA-ve

Zëdhënësi i Ministrisë së Jashtme të Jordanisë, Daifallah al-Fayez sot bëri të ditur se një nënë jordaneze dhe djali i saj u vranë në një sulm me armë nga një "i varur nga droga" në Las Vegas, shteti amerikan i Nevadas, transmeton Anadolu Agency (AA).

"Ambasada jordaneze në Washington po ndjek incidentin që çoi në vdekjen e një gruaje jordaneze dhe djalit të saj", tha Daifallah al-Fayez.

Al-Fayez tha se sipas hetimeve paraprake, autori i krimit, i cili jetonte afër familjes jordaneze, ka menduar se familja ngriti ankesë kundër tij për abuzim të drogës dhe shkoi në banesën e tyre, hapi zjarr ndaj nënës, vajzës së saj dhe një shërbyese nga një tjetër kombësie.

Nëna dhe shërbyesja humbën jetën nga plagët e marra ndërsa vajza u transferua në një spital për mjekim.

Al-Fayez shtoi se autori mbajti peng djalin e nënës jordaneze i cili u vra më pas kur policia shkëmbeu zjarr me autorin.

Zëdhënësi theksoi se ambasada jordaneze është në kontakt me autoritetet në Las Vegas dhe me familjen për të siguruar mbështetje.