Ushtria e Azerbajxhanit merr kontrollin e disa lartësirave të pushtuara
Përleshjet kufitare shpërthyen të dielën herët kur forcat armene shënjestruan vendbanimet civile dhe pozicionet ushtarake të Azerbajxhanit, duke shkaktuar viktima
Ankara
Ushtria e Azerbajxhanit pastroi disa "zona të larta të rëndësishme" rreth fshatit Talysh nga forcat pushtuese armene, njoftoi Ministria e Mbrojtjes e vendit në një deklaratë, transmeton Anadolu Agency (AA).
Ushtria e Azerbajxhanit merr kontrollin e disa lartësirave të pushtuara
Ushtria e Azerbajxhanit pastroi disa "zona të larta të rëndësishme" rreth fshatit Talysh nga forcat pushtuese armene, njoftoi Ministria e Mbrojtjes e vendit në një deklaratë. Përleshjet kufitare shpërthyen të dielën herët kur forcat armene shënjestruan vendbanimet civile dhe pozicionet ushtarake të Azerbajxhanit, duke shkaktuar viktima. ( Ministria e Mbrojtjes e Azerbajxhan - Anadolu Agency )
Përleshjet kufitare shpërthyen të dielën herët kur forcat armene shënjestruan vendbanimet civile dhe pozicionet ushtarake të Azerbajxhanit, duke shkaktuar viktima.
"Njësitë e Ushtrisë së Azerbajxhanit, duke lëvizur drejt lartësirave dhe pozicioneve të rëndësishme të çliruara nga forcat e armatosura armene, vazhdojnë kundërsulmin për të konsoliduar suksesin e arritur", tha ministria.
Deklarata me shkrim gjithashtu theksoi se një numër i madh i forcave armene janë vrarë, duke shtuar se "armiku" pësoi humbje të mëdha.
"Gjatë sulmeve raketetore-artilerike dhe sulmeve ajrore mbi pozicionet e armikut, ai u detyrua të tërhiqej nga kufijtë që po përpiqej të mbante", shtohet në deklaratë.
Marrëdhëniet midis dy vendeve të ish-bashkimit sovjetik kanë qenë të tensionuara që nga viti 1991, kur ushtria armene pushtoi Malësinë e Karabakut, një territor i njohur ndërkombëtarisht i Azerbajxhanit.
Katër rezoluta të Këshillit të Sigurimit të Kombeve të Bashkuara dhe dy rezoluta të Asamblesë së Përgjithshme të OKB-së si dhe shumë organizata ndërkombëtare kërkojnë tërheqjen e forcave pushtuese.
Grupi i Minskut i OSBE-së bashkëkryesuar nga Franca, Rusia dhe SHBA, u formua në 1992 për të gjetur një zgjidhje paqësore të konfliktit, por pa rezultat. Një armëpushim, megjithatë, u shpall në vitin 1994.
