Shërbimi i Sigurisë së Ukrainës (SBU) pretendoi se sot kreu një operacion special që synonte strukturat mbështetëse nënujore të Urës së Krimesë, duke shkaktuar dëme të rënda, raporton Anadolu.

Krimea është një gadishull strategjik i njohur ndërkombëtarisht si territor ukrainas.

Rusia e pushtoi atë në vitin 2014, tetë vjet para se Kremlini të niste ofensivën e tij në shkallë të gjerë në Ukrainë.

Rusia filloi "operacionin e saj special ushtarak" më 24 shkurt 2022 dhe pretendon se synon mbrojtjen e njerëzve në rajonin lindor të Ukrainës.

Që atëherë, miliona njerëz janë zhvendosur, mijëra kanë humbur shtëpitë e tyre dhe qindra institucione mjekësore dhe arsimore janë shkatërruar.

Sipas raportit të fundit nga Misioni i Monitorimit të të Drejtave të Njeriut i Kombeve të Bashkuara në Ukrainë (HRMMU), të paktën 12.000 civilë janë vrarë dhe të paktën 29.000 persona janë plagosur që nga 24 shkurti 2022.

Ndërkaq, kohë pas kohe edhe Ukraina kundërpërgjigjet me sulme në pjesë të ndryshme të territorit rus.