Ukraina: 1 i vrarë dhe 18 të plagosur në sulmin rus në Odesa

Të paktën një person u vra dhe 18 u plagosën sot herët në një sulm rus në qytetin ukrainas të Odesës, njoftoi një zyrtar lokal, transmeton Anadolu.

Katër nga të plagosurit ishin fëmijë, tha në Telegram Oleg Kiper, kreu i administratës ushtarake rajonale, duke shtuar se infrastruktura, si dhe ndërtesat rezidenciale dhe fetare janë dëmtuar.

Katedralja Spaso-Preobrazhenskiy e qytetit u dëmtua gjithashtu në sulm, tha Kiper.

Ai shtoi se të lënduarit po marrin trajtim në spital.