WASHINGTON (AA) - Presidenti i SHBA-së, Donald Trump në lidhje me konfliktin që filloi me sulmet e Izraelit ndaj Iranit tha se "Tani kemi kontroll të plotë dhe total mbi qiejt e Iranit", transmeton Anadolu.

Trump ndau një postim në llogarinë "Truth Social" në lidhje me kontrollin e hapësirës ajrore iraniane.

"Tani kemi kontroll të plotë dhe total mbi qiejt e Iranit. Irani kishte shumë sisteme të mira mbikëqyrjeje ajrore dhe pajisje të tjera mbrojtëse, por këto nuk mund të krahasohen me pajisjet e prodhimit amerikan", tha Trump.

- Konflikti që filloi me sulmet e dhunshme të Izraelit ndaj Iranit

Më 13 qershor, Izraeli kreu sulme në shkallë të gjerë duke shënjestruar objektet bërthamore në qytete të ndryshme në Iran, përfshirë edhe nivelin e lartë komandues të ushtrisë.

Shefi i Shtabit të Përgjithshëm iranian, komandanti i përgjithshëm i Gardës Revolucionare, disa komandantë të lartë dhe 9 shkencëtarë bërthamorë humbën jetën në sulme ndërsa numri i përgjithshëm i civilëve të vrarë u rrit në 224.

Më tej u transmetua se 24 persona u vranë dhe mbi 500 të tjerë u plagosën në kundërsulmet e ushtrisë iraniane me raketa balistike ndaj Izraelit.

Shumë vende veçanërisht Turqia, e dënuan Izraelin.