Trump fal ish-këshilltarin Michael Flynn
"Është nderi im i madh të njoftoj që Gjeneralit Michael T. Flynn i është dhënë falje e plotë", tha Trump
Washington
Presidenti i SHBA-së, Donald Trump, nxori “falje të plotë” për ish-këshilltarin e tij të Sigurisë Kombëtare, Michael Flynn, transmeton Anadolu Agency (AA).
"Është nderi im i madh të njoftoj që Gjeneralit Michael T. Flynn i është dhënë falje e plotë. Urime Gjeneralit Flynn dhe familjes së tij të mrekullueshme. E di që tani do të kesh një Ditë Falënderimesh vërtet fantastike", shkroi Trump në Twitter.
Lajmi erdhi pasi CNN raportoi se përveç Flynn, ka pasur diskutime në Shtëpinë e Bardhë për faljen e disa njerëzve në rrethin e ngushtë të Trumpit.
Flynn ishte nën hetim në shkurt të vitit 2017 për një telefonatë me ambasadorin rus në SHBA dhe dha dorëheqjen nga posti i tij disa javë më vonë.
Në fund të vitit 2017, ai u shpall fajtor për gënjim të FBI-së gjatë hetimit të Këshilltarit Special Robert Robert Mueller për ndërhyrjen ruse në zgjedhjet presidenciale të vitit 2016.
Në fillim të muajit maj, Departamenti i Drejtësisë bëri një veprim jashtëzakonisht të rrallë, duke rrëzuar rastin kundër tij.