Trudeau: Kanadaja është në valën e dytë të pandemisë COVID-19
Kryeministri Trudeau në adresimin e tij drejtuar kombit, paralajmëroi se vendi i tij që përjeton valën e dytë në pandeminë e COVID-19, është në pragun e sezonit të vjeshtës, që mund të kalojë më keq se pranvera
Ankara
Kryeministri i Kanadasë, Justin Trudeau, tha se vendi i tij është në valën e dytë të pandemisë së koronavirusit të ri (COVID-19), transmeton Anadolu Agency (AA).
Trudeau në adresimin e tij drejtuar kombit, paralajmëroi se vendi i tij që përjeton valën e dytë në pandeminë e COVID-19, është në pragun e sezonit të vjeshtës, që mund të kalojë më keq se pranvera.
Ai tregoi se Kanadaja më 13 mars kur u zbatonte ora policore raportonte 47 raste, ndërsa nga 22 shtator të martën kjo shifër ka shkuar në mbi 1000.
"Nuk mund t'i ndryshojmë shifrat e sotme dhe të nesërmes. Ata janë përcaktuar me atë se çka kemi bërë e s'kemi bërë para dy jave. Por mund të ndryshojmë ku gjendemi në tetor dhe gjatë dimrit. Me gjasa të mëdha nuk do të jemi bashkë në Ditën e Falënderimeve. Nga ana tjetër, në Krishtlindje mund ta provojmë fatin. Kemi fuqi që së bashku ta marrim nën kontroll valën e dytë", u shpreh ai.
Kryeministri kanadez gjithashtu bëri thirrje mbajtjen e maskave si dhe shkarkimin e aplikacionit të qeverisë për kontrollimin vallë kanë kontaktuar dikë pozitiv ndaj COVID-19.
Ai shtoi se do të mbështesin ekonominë dhe kanadezët "me çdo kusht" gjatë pandemisë.
Në Kanada deri më tani kanë humbur jetën 9.243 persona nga COVID-19. Numri i rasteve në total është 147.753.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
