Sulmet e Izraelit ndaj Gazës vazhdojnë në ditën e 306-të

Ndërsa ushtria izraelite vazhdon ditën e 306-të të sulmeve tokësore, ajrore dhe detare në shumë rajone të Rripit të Gazës, njoftohet se nga sulmet pati të vdekur dhe të plagosur, transmeton Anadolu.

Sipas lajmit të agjencisë zyrtare palestineze WAFA, ushtria izraelite bombardoi një shtëpi në lagjen Tuffah në lindje të Gazës. Tre persona, një fëmijë dhe një grua, vdiqën në sulm.

Automjetet ushtarake izraelite hapën zjarr ndaj shtëpive palestineze në lindje të kampit të refugjatëve Burayj në pjesën qendrore të Rripit të Gazës. Palestinezët e plagosur si pasojë e zjarrit intensiv u transferuan në Spitalin e Martirëve Aqsa në qytetin Deir al-Belah.

Ndërsa Ura e Luginës së Gazës dhe rrethinat e saj në veriperëndim të kampit të refugjatëve Nusairat u bombarduan nga anijet sulmuese izraelite, avionët luftarakë shënjestruan një shtëpi në rrugën Salahaddin në kamp.

Lagjet Zaitoun dhe Tel el-Hawa ishin objektivi i artilerisë izraelite. Khan Younis në jug të Rripit të Gazës dhe qyteti Deir al-Balah në pjesën qendrore u bombarduan gjithashtu nga avionët luftarakë izraelitë.

Gjithashtu gjatë natës u bombarduan rrethinat e ndërtesave të Sheikh Zayed në lindje të qytetit Beit Lahiya në veri të Gazës dhe zonat në perëndim të qytetit Rafah.