Sulm me bombë në Somali, 6 të vdekur

MOGADISHU (AA) – Të paktën 6 civilë humbën jetën si pasojë e një sulmi në qarkun Shabelle e Poshtme të Somalisë, ku si objektiv u mor një mjet i transportit publik, raporton Anadolu Agency (AA).

Zv/kryetari i Çështjeve të Sigurisë në qarkun Shabelle e Poshtme, Ali Nur, në një deklaratë për gazetarin e AA-së tha se eksplozivi i cili ishte vendosur në magjistralen Shabelle të Mesme dhe Shabelle të Poshtme, ka shpërthyer në momentin kur po kalonte një minibus.

Nur tha se si pasojë e sulmit 6 nga 7 udhëtarët e minibusit humbën jetën dhe se në mesin e të viktimave ishin 2 gra.

Ai tha se pas sulmit në fjalë qëndron organizata terroriste Al-Shabab.

Më shumë se 300 persona humbën jetën dhe të paktën 200 të tjerë u plagosën në sulmet me bomba javën e kaluar në kryeqytetin e Somalisë, Mogadishu.