Spanjë, aksident në një park lojrash, 33 të lënduar

MADRID (AA) – Në aksidentin që ndodhi nga përplasja e dy vagonëve në një park lojrash në Madrid, kryeqytetin e Spanjës, janë plagosur 33 persona, prej të cilëve gjashtë fëmijë, raporton Anadolu Agency (AA).

Zyrtarët e emergjencës thonë se fatkeqësia ka ndodhur në parkun e argëtimit "Parque de Atracciones" dhe se në mesin e të lënduarve 6 janë fëmijë të moshës nën 10 vjeç.

Në spital janë shtruar 27 persona të plagosur, por gjendja e tyre nuk është kritike.

Menaxherët e parkut në një deklaratë për agjencinë spanjolle 'Europa Press' thonë se rollercoasteri në të cilin ka ndodhur aksidenti ka kaluar kontrollet e përditshme të sigurisë.