Spanja po lufton me zjarret më të mëdha pyjore të këtij shekulli

Spanja, ku më shumë se 220 mijë hektarë sipërfaqe pyjore janë djegur që nga fillimi i vitit, po lufton kundër zjarreve më të mëdha pyjore të shekullit të 21-të, transmeton Anadolu Agency (AA).

Sipas të dhënave të Sistemit Evropian të Informacionit për Zjarret në Pyje (EFFIS), Spanja po përjeton vitin më të keq të zjarreve në pyje në 22 vitet e fundit.

EFFIS informoi se në Spanjë u dogjën më shumë se 220 mijë hektarë sipërfaqe pyjore.

Thuhet se zona e djegur në vetëm shtatë muaj të këtij viti ishte mbi zonat e djegura në vitin 2012, që është një nga vitet me numrin më të madh të zjarreve.

Aktualisht, teksa zjarret në pyje vazhdojnë në pesë lokacione në Spanjë, thuhet se zjarri që shkatërroi më shumë se një mijë hektarë tokë në Santa Cruz del Valle në qytetin Avila në pjesën qendrore të vendit nuk mund të kontrollohet ende.

Tre për qind e zonës u shkatërrua nga zjarret në zonën pyjore të Zamora-s në korrik.

Ministria e Brendshme bëri të ditur se 95 për qind e zjarreve janë shkaktuar nga pakujdesia njerëzore.

Mediat spanjolle shkruajnë se po luftohet kundër zjarreve më të mëdha të pyjeve të shekullit të 21-të dhe se 17 qeveri autonome dhe qeveria qendrore kanë ndarë 860 milionë euro këtë vit për parandalimin dhe shuarjen e zjarreve.