Shpyllëzimi i Amazonës në Brazil në nivelin më të lartë në 15 vjet

Shpyllëzimi i pyjeve tropikale të Amazonës në Brazil është në nivelin më të lartë në 15 vitet e fundit, njoftoi të enjten agjencia braziliane e kërkimeve hapësinore, transmeton Anadolu Agency (AA).

Sipas të dhënave nga Instituti Kombëtar për Kërkimet Hapësinore (INPE), 13.235 kilometra katrorë (5.110 milje katrorë) shpyllëzimi janë vërejtur në pyllin më të madh të shiut në botë midis gushtit 2020 dhe korrikut 2021.

Në periudhën gusht 2019 deri në korrik 2020 u regjistruan 10.851 kilometra katrorë të shpyllëzuar në rajon dhe 14.286 kilometra katrorë në të njëjtën periudhë të vitit 2006.

Shpyllëzimi i parë në rajon në të njëjtën periudhë të vitit 2004 u shpall me 27.000 kilometra katrorë.

Brazili njoftoi një plan për të reduktuar shpyllëzimin e paligjshëm me 15 për qind në vit deri në vitin 2024, 40 për qind për 2025 dhe 2026 dhe 50 për qind për vitin 2027 duke shtuar se synon zero shpyllëzime të paligjshme deri në vitin 2028.