SHBA, zjarri shkatërron 400 hektarë tokë në Karolinën e Veriut

Gjatë zjarrit pyjor në parkun shtetëror “Pilot Mountain” në shtetin amerikan të Karolinës së Veriut u shkatërruan 400 hektarë tokë, transmeton Anadolu Agency (AA).

Autoritetet theksuan se vetëm 20 për qind e zjarreve janë nën kontroll.

Zyrtarët e shërbimit pyjor të Karolinës së Veriut vlerësojnë se zjarri, i cili shpërtheu më 27 nëntor, ishte shkaktuar nga gabimi njerëzor.

Edhe pse u paralajmërua se do të niste hetimi për të përcaktuar shkakun e zjarrit, parku u mbyll.

Më 29 nëntor autoritetet vendosën ndalesë për ndezjen e zjarrit në ambiente të hapura.