SHBA, arma e këmbësorisë AR-15 gjithnjë e më tepër po përdoret në sulme

WASHINGTON (AA) - 29-vjeçari Omar Matten, sulmuesi në klubin Pulse në Orlando të Floridas, gjatë sulmit të tij kishte përdorur modelin "famëkeq" të pushkës së këmbësorisë AR-15, e cila në dekadat e fundit përdoret gjithnjë e më shumë në sulmet në SHBA, raporton Anadolu Agency (AA).

Arma e njëjtë është përdorur edhe në sulmin e çiftit bashkëshortor gjashtë muaj më parë jo larg Los Angelesit në festimin e Vitit të Ri në punë, kur kishin hapur zjarr ndaj një grupi njerëzish prej të cilëve 14 u vranë dhe 21 u plagosën.

Në vitin 2012, në Aurora, të Kolorados, James Holmes, me të njëjtën armë vrau 12 persona dhe plagosi 58 civilë në një teatër të mbushur me njerëz.

Arma e njëjtë ishte përdorur edhe më herët, kur në sulmin ndaj Sandy Hook në Newtown, në shtetin verilindor të Connecticut, një i ri vrau 20 fëmijë dhe gjashtë të rritur.