Sateliti Turksat 6A kryen testin e parë të transmetimit

Sateliti turk Turksat 6A, i pari i projektuar dhe prodhuar në Türkiye, përfundoi me sukses testin e parë të transmetimit, raporton Anadolu.

"Transmetimi i parë testues i satelitit tonë të parë kombëtar të komunikimit Turksat 6A, një nga projektet më të mëdha të Lëvizjes Kombëtare të Teknologjisë, ka përfunduar me sukses", u shpreh në një postim në X ministri i Industrisë dhe Teknologjisë i Türkiyes, Mehmet Fatih Kacır.

"Sateliti ynë i parë kombëtar i komunikimit, Turksat 6A, bëri me sukses transmetimin e tij të parë testues në hapësirë ​​me TRT World", shtoi Abdulkadir Uraloğlu, ministër i Transportit dhe Infrastrukturës, duke shtuar:

"Ne po forcojmë më tej vendin tonë midis vendeve që prodhojnë dhe operojnë satelitët e tyre. Ne vazhdojmë të punojmë për një Türkiye të pavarur, të fortë dhe me teknologji të lartë!".

Turksat 6A, versioni më i fundit i satelitëve të komunikimit Turksat të Türkiyes, është projektuar dhe prodhuar nëpërmjet një bashkëpunimi nga Industritë e Hapësirës Ajrore Turke (TAI), kompania turke e mbrojtjes Aselsan dhe Këshilli i Kërkimeve Shkencore dhe Teknologjike të Türkiyes (TÜBITAK).