Rusi, autobusi depërton në nënkalim, disa të vdekur

MOSKË (AA) - Të paktën pesë persona kanë humbur jetën dhe 15 të tjerë janë lënduar si pasojë e depërtimit të një autobusi në nënkalim në Rusi, raporton Anadolu Agency (AA).

Autobusi bashkiak ka hyrë në nënkalimin në të cilin gjendet stacioni i metrosë Slavyanskiy Bulvar në kryeqytetin rus Moskë.

Viktimat kanë pësuar si pasojë e përplasjes nga ana e autobusit.

Zyrtarët e sigurisë në një deklaratë për AA theksuan se incidenti nuk është sulm terrorist dhe se i njëjti ka ndodhur pasi shoferi ka humbur kontrollin.

Në vendin e ngjarjes janë dërguar një numër i madh i helikopterëve, ambulancave dhe ekipeve të zjarrfikësit. Ndërkohë, autoritetet kanë nisur hetim në lidhje me rastin.