Përmbytjet në Nigeri shkaktojnë dhjetëra të vdekur

NIAMEY (AA) – Si pasojë e përmbytjeve të shkaktuara nga reshjet e dendura të shiut në 3 muajt e fundit në Nigeri 41 persona kanë humbur jetën, transmeton Anadolu Agency (AA).

Ebubekir Nuhu Bako, nga autoritetet lokale në një deklaratë për televizionin kombëtar tha se reshjet e dendura në këtë vend janë aktive gjatë 3 muajve të fundit.

Duke vënë në dukje se reshjet e dendura kanë shkaktuar përmbytje, Bako thotë se për shkak të përmbytjeve në 3 muajt e fundit kanë humbur jetën 41 persona dhe që më shumë se 66 mijë persona kanë mbetur pa shtëpi.

Bako thotë se përmbytjet kanë shkaktuar dëme të mëdha, dhe se personat e mbetur pa shtëpi janë strehuar përkohësisht nëpër shtëpi.

Në përmbytjet e vitit të kaluar 38 persona kanë humbur jetën, kurse 92 mijë persona kanë mbetur pa shtëpi.