Përmbytje në Kenia, 194 të vdekur

Si pasojë e përmbytjeve dhe rrëshqitjeve të tokës në Kenia kanë humbur jetën 194 persona, transmeton Anadolu Agency (AA).

Ministri i Brendshëm i Kenias, Fred Matiangi deklaroi se për shkak të përmbytjeve në vend është rritur niveli i alarmit të situatave emergjente.

Ai tha se kanë filluar evakuimin e banorëve që jetojnë në zonat me rrezik dhe se si pasojë e përmbytjeve dhe rrëshqitjeve të tokës deri më tani kanë humbur jetën 194 persona.

Në vend mijëra familje kanë mbetur pa shtëpi, ndërkohë që institucionet publike dhe organizatat e shoqërisë civile kanë filluar mobilizimin për ndihma.