Përmbytje në Afganistan, 14 të vdekur
Përmbytjet goditën provincat afgane Samangan, Badgis dhe Baghlan
Kabul
Të paktën 14 të vdekur është bilanci i përmbytjeve të cilat goditën provincat afgane Samangan, Badgis dhe Baglan, raporton Anadolu Agency (AA).
Zëdhënësi i zyrës së guvernatorit të Samanganit, Muhammad Siddik Azizi, deklaroi se Samangani u godit nga një mot i keq me reshje të shiut që shkaktuan përmbytje, të cilat morën jetën e shtatë personave.
Siç shtoi më tej, ekipet për shpëtim po kërkojnë dy njerëz të zhdukur. Azizi konfirmoi se qindra shtëpi janë dëmtuar nga përmbytjet.
Ndërkohë zëdhënësi i Guvernatorit të provincës Badgis, Cemsid Shahabi, tha se në atë rajon kanë humbur jetën katër persona, ndërsa kanë ngordhur edhe dhjetëra kafshë shtëpiake.
Në zonën e Baghlanit si pasojë e përmbytjeve kanë humbur jetën tre persona
Kujtojmë se në përmbytjet që goditën Afganistanin javën e kaluar humbën jetën shtatë persona.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.