Princi Charles rezultoi pozitiv për COVID-19

Testi i Princit të Kurorës së Britanisë së Madhe, Charles, për koronavirus të ri (COVID-19) rezultoi pozitiv, transmeton Anadolu Agency (AA).

Në njoftimin e bërë nga zyra e Princit Charles, 71-vjeçari ka treguar "simptoma të lehta, ndërsa gjendja e tij është e shëndetshme dhe se për disa ditë punon nga shtëpia".

Më tutje në njoftim thuhet se testi i bashkëshortes së tij, Dukeshës së Cornwall-it ka rezultuar negativ, duke shtuar se në drejtim të rekomandimit të qeverisë dhe doktorëve, Princi dhe Dukesha janë vetëizoluar në Skoci.

Nga zyra e Princit, bëjnë të ditur se Princi gjatë javëve të fundit ka zhvilluar shumë takime, prandaj nuk është e mundshme të dihet se ku është infektuar me virusin.

Ndërkohë, Mbretëresha 93-vjeçare Elizabeta II, më 19 mars ishte larguar nga Londra, dhe ishte vendosur në Kalanë Windsor, 35 kilometra larg nga kryeqyteti.

Numri i të vdekurve nga COVID-19 dje ishte njoftuar të jetë 422, ndërsa i rasteve 8.077.