Presidenti turk dhe ai bullgar diskutojnë çështjet dypalëshe dhe rajonale

Presidenti turk, Recep Tayyip Erdoğan, në një bisedë telefonike ka diskutuar çështjet dypalëshe dhe rajonale me homologun e tij bullgar, Rumen Radev, transmeton Anadolu Agency (AA).

Sipas Drejtorisë së Komunikimeve të Turqisë, dy liderët folën për hapat për të përmirësuar marrëdhëniet Turqi-Bullgari, si dhe çështjet rajonale.

“Presidenti Erdoğan deklaroi se ata vepruan me vendosmëri për të avancuar më tej marrëdhëniet e rrënjosura thellë me vendin mik dhe aleat, Bullgarinë, në të gjitha fushat, veçanërisht në transport, tregti dhe industri të mbrojtjes”, thuhet në njoftim.

Lufta Rusi-Ukrainë dhe pasojat e saj rajonale po ashtu u diskutuan në bisedën telefonike.

Më tej, në njoftim thuhet se Erdoğan gjithashtu përcolli “edhe një herë urimet e tij për presidentin Radev për marrjen e presidencës për një mandat të dytë”.