Bota

Presidenti Erdoğan dënon bastisjen policore në xhaminë e Berlinit

"Evropa, e cila për vite me radhë është referuar si djepi i demokracisë, të drejtave të njeriut dhe lirive, sot për fat të keq është kthyer në një strukturë që lufton dallimet brenda saj", tha Erdoğan

Erdoğan Çağatay Zontur   | 24.10.2020
Presidenti Erdoğan dënon bastisjen policore në xhaminë e Berlinit

Ankara

Presidenti i Turqisë, Recep Tayyip Erdoğan, denoncoi bastisjen e policisë gjermane të bërë në fillim të kësaj jave në një xhami në Berlin, transmeton Anadolu Agency (AA).

"Dënoj fuqishëm bastisjen policore në Xhaminë Mevlana në Berlin gjatë faljes së namazit të sabahut", u shpreh Erdoğan në Twitter, duke thënë se veprimi i policisë ishte "padyshim i ushqyer nga racizmi dhe islamofobia, duke mospërfillur totalisht lirinë e besimit dhe duke e sjellë Evropën më afër errësirës së Mesjetës”.

"Evropa, e cila për vite me radhë është referuar si djepi i demokracisë, të drejtave të njeriut dhe lirive, sot për fat të keq është kthyer në një strukturë që lufton dallimet brenda saj", tha Erdoğan.

Presidenti i Turqisë gjithashtu theksoi se vendi i tij nuk do të lejojë kurrë asnjë justifikim për shkelje vulgare të ndonjë vendi të adhurimit.

Ai gjithashtu tha se Turqia do të vazhdojë me vendosmëri luftën e saj globale kundër racizmit, ksenofobisë dhe islamofobisë.

Policia gjermane të mërkurën bastisi xhaminë për shkak të një hetimi financiar, përderisa adhuruesit ishin mbledhur për faljen e namazit të sabahut.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın