Pesë të vdekur nga përplasja e helikopterit në Iran

Pesë të vdekur është bilanci i përplasjes së një helikopteri në krahinën Chaharmahal dhe Bakhtiari në jugperëndim të Iranit, raporton Anadolu Agency (AA).

Ndihmësi i guvernatorit për çështje të sigurisë, Jafar Moradi, tha se helikopteri u rrëzua në fshatin Sarteshniz.

Në një deklaratë të tij, të cilën e citon agjencia iraniane e lajmeve IRNA, Moradi thotë se helikopteri i përkiste Universitetit të Shkencave Mjekësore të Iranit, dhe se në kohën kur udhëtonte, ishte në rrugë për të ndihmuar një grua shtatzënë.

Shkaku i aksidentit akoma është i panjohur.