Papa Françesku largohet nga spitali 10 ditë pas operimit

Papa Françesku doli sot nga spitali, 10 ditë pasi iu nënshtrua një operacioni të planifikuar për të hequr gjysmën e zorrës së trashë, transmeton Anadolu Agency (AA).

Mediat vërejtën një automjet ku kishte hipur Françesku (84), duke u larguar nga spitali Politeknik Gemelli i Romës sot në mëngjes. Ai ishte ulur në sediljen e pasagjerit.

Françesku hoqi gjysmën e zorrës së trashë për shkak të një ngushtimi të rëndë të zorrës më 4 korrik, operacioni i tij i parë i madh që kur u bë papë në vitin 2013. Ishte një procedurë e planifikuar për në fillim të korrikut kur audiencat e Papës pezullohen dhe Françesku normalisht do të marrë pak pushim.

Papa do të ketë nevojë për disa javë të tjera për t'u rikuperuar para se të fillojë të udhëtojë përsëri në shtator. Ai planifikon të vizitojë Hungarinë dhe Sllovakinë në një udhëtim 12-15 shtator dhe më pas të bëjë një ndalesë të shpejtë në Glasgow, Skoci, në nëntor për të marrë pjesë në konferencën e klimës COP26. Gjithashtu janë duke u rishikuar udhëtime të tjera të mundshme.

Vatikani fillimisht tha se Françesku mund të lirohej fundjavën e kaluar por më vonë tha se ai do të qëndronte disa ditë shtesë për shërim të mëtejshëm dhe terapi rehabilitimi.

Papa për herë të parë u shfaq në publik që nga operacioni të dielën, ku dukej në formë të mirë ndërsa bënte lutjen javore nga ballkoni i spitalit në katin e 10-të, i rrethuar nga pacientë të rinj me kancer. Ai e shfrytëzoi rastin për të bërë thirrje për kujdes shëndetësor falas për të gjithë.

Të martën pasdite, në prag të lirimit të tij, ai vizitoi repartin e kancerit për fëmijë, i cili ndodhet në të njëjtin kat me apartamentin papal të spitalit.

Papës argjentinas i ishte hequr një pjesë e mushkërisë kur ishte i ri, por ka gëzuar shëndet relativisht të mirë.