Ekip
04 Qershor 2020•Përditësim: 04 Qershor 2020
Numri i rasteve me koronavirusin e ri (COVID-19) në Pakistan sot ka tejkaluar Kinën duke arritur në 85.198, bëri të ditur Ministria e Shëndetësisë së këtij vendi, raporton Anadolu Agency (AA).
Sipas të dhënave të Universitetit Johns Hopkins, Kina ka raportuar 82.933 raste dhe 4.638 vdekje që nga fillimi i shpërthimit dhjetorin e kaluar.
Në Pakistan, gjithsej 4.688 raste të reja u raportuan gjatë 24 orëve të fundit, rritja më e lartë ditore ndonjëherë, duke zënë vendin e 17-të për sa i përket rasteve të koronavirusit, tregojnë të dhënat.
Ndërkohë, 82 pacientë tjerë humbën jetën në të gjithë vendin për shkak të COVID-19, duke rritur numrin e vdekjeve nga pandemia në 1.770. Rreth 30.128 pacientë janë shëruar.
Sipas statistikave zyrtare, autoritetet deri më tani kanë kryer 615.511 teste në të gjithë vendin.
