Operacioni "Dega e Ullirit", neutralizohen 1.141 terroristë

ANKARA (AA) - Ka arritur në 1.141 numri i terroristëve që janë neutralizuar që nga fillimi i operacionit "Dega e Ullirit" i ndërmarrë nga Forcat e Armatosura të Turqisë (TSK) në Afrin të Sirisë, transmeton Anadolu Agency (AA).

Në një deklaratë nga Shtabi i Përgjithshëm i Turqisë bëhet e ditur se Komanda e Forcave Ajrore me sulmet ajrore të ndërmarra në kuadër të operacionit "Dega e Ullirit" ka shkatërruar 36 pozicione të përdorura si strehimore, bunkerë, depo armësh dhe pozicione zjarri nga organizatat terroriste PKK/KCK/PYD-YPG dhe DEASH.

• Çlirohet një fshat nga terroristët në Afrin

Gjithashtu theksohet se gjatë orëve të fundit janë neutralizuar 79 terroristë. Që nga fillimi i operacionit e deri më sot numri i terroristëve të neutralizuar ka arritur në 1.141.

Ndërkohë që vihet në dukje se po vazhdon me sukses ashtu sikurse është planifikuar edhe operacioni tokësor i cili mbështetet nga ajri dhe automjetet tokësore të zjarrit.