Bota

OKB i jep statusin e refugjatit shtetases saudite Rahaf al-Qunun

UNHCR e ka dërguar rastin e saj në adresë të autoriteteve australiane, me shpresë se ky vend do ta pranojë shtetasen saudite

Bekim Laci   | 09.01.2019
OKB i jep statusin e refugjatit shtetases saudite Rahaf al-Qunun

Kanbera

KANBERA (AA) - Organizata e Kombeve të Bashkuara (OKB) i ka dhënë statusin e refugjatit të ligjshëm, shtetases saudite të ndaluar në aeroportin e Bangkokut në Tajlandë me kërkesë të autoriteteve të Arabisë Saudite pasi kishte ikur nga dhuna familjare, transmeton Anadolu Agency (AA).

Kujtojmë se 18 vjeçarja Rahaf Mohammed al-Qunun, kishte refuzuar të hipte në avionin në fluturimin Bangkok- Kuvajt, për çka të hënën u barrikadua në një dhomë të hotelit në aeroport.

Agjencia e Kombeve të Bashkuara për Refugjatë (UNHCR) e ka dërguar rastin e saj në adresë të autoriteteve australiane, me shpresë se ky vend do ta pranojë shtetasen saudite.

Ndërkohë është prononcuar edhe Departamenti për Punë të Brendshme të Australisë, duke thënë se çështja do të shqyrtohet në mënyrë të zakonshme.

"Qeveria nuk do të komentojë më shumë mbi këtë çështje", thuhet në një kumtesë të shkurtër.

Megjithatë, ministri australian i Shëndetësisë, Greg Hunt, ka lënë të kuptohet se është i mundur pranimi i azilit.

Në një deklaratë për televizionin australian ABC, ai tha se "nëse ajo tashmë është shpallur refugjate, atëherë ne do të konsiderojmë shumë seriozisht dhënien e një vize humanitare".

Statusi i refugjatit jepet nga qeveria e shtetit ku qytetari kërkon azil, megjithatë UNHCR mund të japë këtë status nëse shtetet nuk e bëjnë.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın