Australi, 44 për qind e banorëve janë të ardhur

MELBOURNE (AA) - Kryetari i Fondacionit Multikulturor të Australisë, Bülent Dellal në një deklaratë për Anadolu Agency (AA), ka thënë se rreth 44 për qind e popullsisë së Australisë janë të ardhur, raporton Anadolu Agency (AA).

Dellal në fjalën e tij tha se duke e krahasuar për nga numri i popullsisë, Australia është vendi që ka marrë më shumë emigrantë në botë.

Duke theksuar se rreth 800 mijë njerëz vijnë në vit në Australi, ku përfshihen ata me leje të përkohshme dhe ato që vijnë për të qëndruar për gjithmonë, Dellal në vijim ka shtuar se 44 për qind e popullsisë ka një lidhje me jashtë vendit, ose nga vetë personi, ose nga prindërit.

Australia ka marrë më shumë se 7 milionë emigrantë që nga viti 1945, thotë Dellal dhe në vijim shton se në këtë vend rreth 4 milionë njerëz flasin një gjuhë tjetër krahas anglishtes dhe se në vend ka mbi 270 grupe etnike të ndryshme.

Ndërsa duke folur për politikat emgritatore të vendit, Dellal ka thënë se Australia ende vazhdon të ndjekë politikat multikulturore të vendosura në vitin 1974. Në këtë ligj të huajve ju njihen shumë të drejta thotë Dellal dhe më pas shton se komuniteti vendas pret të njëjtën gjë edhe nga ata që vijnë dhe jetojnë në këtë vend.

Duke vënë në dukje se krahas gjuhës angleze në vend fliten rreth 230 gjuhë të tjera, Dellal në vijim thotë: "Shumë firma të botës mendojnë të hapin punën e tyre në Australi për shkak të afërsisë me Azinë si dhe praninë e shumë gjuhëve të folura këtu."