Në Meksikë vritet gazetari, i nënti nga fillimi i vitit

XALAPA (AA) - Një gazetar meksikan është vrarë të martën në shtetin Veracruz, në pjesën verilindore të vendit në brigjet e Gjirit Meksikan, që është të paktën rasti i nëntë i vrasjes së gazetarëve që nga fillimi i vitit, transmeton Anadolu Agency (AA).

Komisioni shtetërorë për mbrojtjen e gazetarëve ka dënuar vrasjen e gazetarit Candid Rios Vazquez, i cili është ekzekutuar së bashku me dy persona të tjerë. Rios ka punuar si korrespondent për gazetën "Diario de Acayucan".

Rios ishte regjistruar në mekanizmin e qeverisë federale për mbrojtjen e gazetarëve dhe punëtorëve për të drejtat e njeriut. Gazeta raportonte se një gazetar po merr kërcënime kohët e fundit.

Veracruz është një nga shtetet më të rrezikshme meksikane për gazetarët gjatë viteve të fundit.