Në Kamboxhia do të ndërtohen kullat binjake më të larta në botë

PEKIN (AA) - Dy kompani kineze kanë nënshkruar marrëveshjen për të ndërtuar kullat binjake më të larta të botës në Kamboxhia, raporton Anadolu Agency (AA).

Sipas lajmit nga e Përditshmja e Popullit, konsorciumi i përbërë nga Great Wall International dhe Wuchang Shipbuilding Industry Group Co. Ltd., kanë fituar tenderin e ndërtimit në kryeqytetin Phnom Penh, në një vlerë prej 2.7 miliardë dollarë.

Parashikohet që projekti i mbështetur nga një kompani prej Kamboxhias dhe Makaos, të fillojë nga fundi i këtij viti dhe të përfundojë deri në vitin 2022.

Rrokaqiejt që do të jenë 108 metra më të lartë se sa ato në kryeqytetin e Malajzisë, Kuala Lumpur me 452 metra, aktualisht më të larta në botë, përfshijnë hotele luksoze, qendra tregtare dhe rezidenca.