Ndërron jetë ish-presidenti i Nigerit, Mamadou Tandja

Ish-presidenti i Nigerit, Mamadou Tandja ka ndërruar jetë, bëri të ditur të martën qeveria e këtij vendi, transmeton Anadolu Agency (AA).

Tandja ndërroi jetë në moshën 82-vjeçare në një spital në kryeqytetin Niamey, ku po kurohej.

Qeveria njoftoi tre ditë zie kombëtare.

Tandja u zgjodh president dy herë dhe drejtoi vendin midis viteve 1999 dhe 2010.

Ai u përmbys nga pushteti me një grusht shtet ushtarak më 18 shkurt të vitit 2010.