Nafta e papërpunuar Brent arrin çmimin më të lartë në dy vitet e fundit

ANKARA (AA) – Çmimi i naftës së papërpunuar Brent në tegun ndërkombëtar ka arritur çmimin më të lartë në dy vitet e fundit duke arritur vlerën në 61.33 dollarë për fuçi të mërkurën në mëngjes, raporton Anadolu Agency (AA).

Pritet që çmimi të rritet ende, pasi që vendet e OPEC-ut, por edhe ato që nuk janë pjesë e saj, i dhanë mbështetje vazhdimit të kufizimit të prodhimit.

Çmimi i brendit ndërkombëtar referues Brent të mërkurën në mëngjes u rrit për 0.64 për qind, kurse brendi referues amerikan West Texas Intermediate (WTI) u rrit për 0.94 për qind dhe tani është 54.89 dollarë amerikan.

Rritja e çmimit të naftës së papërpunuar është vërejtur kur vendet anëtare të OPEC-ut në krye me Arabinë Saudite u dakorduan për kufizimin e prodhimit, të cilës më pas iu bashkangjit edhe Rusia, vendi udhëheqës që nuk janë anëtare e OPEC-ut.

Nafta Brend të mërkurën në mëngjes për herë të parë pas dy vitesh tejkaloi çmimin prej 61 dollarë për fuçi.