Çmimi global i naftës rritet në mbi 44 dollarë

ANKARA (AA) - Çmimi i naftës së papërpunuar të mërkurën në mëngjes është tregtuar për 44.05 dollarë për një fuçi, që njëherësh paraqet çmimin më të lartë që nga dhjetori i vitit 2015, raporton Anadolu Agency (AA).

Në fillim të javës çmimi global i naftës shënoi rritje të vogël nga shkaku i pritjeve të tregut lidhur me marrëveshjen për ngrirje të prodhimtarisë që pritet të arrihet në takimin e radhës të shteteve të OPEC-ut dhe atyre që nuk janë pjesë e OPEC-ut, që do të mbahet më 17 prill.

Të martën, çmimi i naftës së papërpunuar u tregtua për 43.40 dollarë për një fuçi.