Meksikë, vritet një kryetare komune

Është gjetur kufoma e Florisel Rios, kryetares së komunës së qytetit Jamapa në shtetin Veracruz në Meksikë, e cila ishte rrëmbyer nga persona të armatosur nga shtëpia e saj në fillim të javës, transmeton Anadolu Agency (AA).

Sipas lajmeve të mediave të vendit, policia ka gjetur kufomën e Rios në një qytezë në Medellin de Bravo të shtetit.

Guvernatori i Shtetit, Cuitlahuac Garcia, dënoi vrasjen.

"Në mënyrë që kjo të mos mbetet pa u ndëshkuar dhe për të gjetur përgjegjësit, të gjitha proceset dhe hetimet do të përfundojnë në detaje", u shpreh Garcia.

Në Meksikë që nga viti 2006 janë vrarë mbi 60 kryetarë komune nga bandat e krimit të organizuar.