Meksikë, në një kamion zbulohen kufomat e 11 personave

Në një kamion të braktisur në shtetin jugor të Meksikës, Guerrero, u gjetën kufomat e 11 personave, përfshirë 2 fëmijë, transmeton Anadolu.

Sipas lajmit në mediat meksikane, në polici është bërë një denoncim për një kamion të braktisur në autostradën "Del Sol" në qytetin Chilpancingo të shtetit.

Ekipet e policisë në kamion gjetën kufomat e 11 personave, mes tyre 2 fëmijë.

Në deklaratën e policisë thuhet se kjo ngjarje mund të jetë kryer nga grupi i krimit të organizuar Los Ardillos.