Mbi 2 milionë haxhinjë mblidhen në malin Arafat

Në Jabal al-Rahmah (Kodra e Mëshirës) në Arabinë Saudite, vendi ku profeti Ademi dhe Hava u takuan në tokë dhe ku u pranua pendimi i parë, shënohet intensitet i njerëzve me rastin e vizitës së haxhinjve, raporton Anadolu.

Haxhinjtë arritën në rajonin e Arafatit që është afërsisht 25 kilometra larg Mekës, që nga mbrëmja e djeshme dhe kaluan natën duke lexuar Kuran dhe duke u lutur. Ata gjithashtu falën namazin e sabahut këtu. Pas namazit, në karvanin e pelegrinëve turq filloi programi i udhëzimit i Presidencës së Çështjeve Fetare.

Këtu haxhinjtë mund të ndjekin programin e udhëzimit me ndihmën e sistemit të zërit të vendosur në tendat ku ndodhen. Disa haxhinjë në rajonin e Arafatit luten duke u ngjitur në Jabal al-Rahmah. Intensitet i madh njerëzish përjetohet përreth Jabal al-Rahmah në rajonin ku temperatura e ajrit tejkalon 45 gradë Celsius.

Sot pas faljes së namazit të drekës kreu i Çështjeve Fetare (Diyanet) të Turqisë, Ali Erbaş do të bëjë lutjen "vakfe" (të qëndrimit, pritjes në Arafat).

Haxhinjtë që do të largohen nga Arafati në orët e mbrëmjes do të shkojnë në Muzdelife. Këtu, haxhinjtë që do të kryejnë "Xhem-i tahir" duke bashkuar namazin e mbrëmjes dhe të natës në kohën e namazit të jacisë (të natës) dhe do të kryejnë lutje Muzdelife.

Më pas haxhinjtë që do të mbledhin gurët që do të hidhen ndaj djallit në Muzdelife dhe do të shkojnë më pas në zonën "Jamarat" në Mina.

Në ditën e parë të Kurban Bajramit, haxhinjtë do të hedhin 7 gurë ndaj "djallit të madh". Pasi të kenë goditur me gurë djallin, pas therjes së kubanit dhe të jenë qethur, haxhinjtë do të heqin ihramin e tyre dhe në mundësinë e parë do të kryejnë tavafin e detyrueshëm të vizitës dhe faljes së haxhit. Kështu, ata do ta kenë përfunduar detyrimin e haxhit.

Në ditën e dytë dhe të tretë të festës, në të njëjtën zonë, haxhinjtë do të hedhin 7 gurë përkatësisht ndaj djallit "të vogël, të mesëm dhe të madh".

Ata që nuk kanë shkuar më parë do të shkojnë në Medinë dhe do të vazhdojnë adhurimet dhe vizitat e tyre atje. Haxhinjtë që largohen nga Meka do t'i japin lamtumirën Qabes dhe qytetit me një tavaf lamtumire.