Mattis: SHBA e përkushtuar ndaj NATO-s

WASHINGTON (AA) – Sekretari i sapoemëruar i Mbrojtjes i Shteteve të Bashkuara të Amerikës (SHBA) James Mattis ka marrë detyrën dhe tashmë në ditën e parë ka zhvilluar biseda të ndara telefonike me Sekretarin e përgjithshëm të NATO-s Jens Stoltenberg, Sekretarin britanik të Mbrojtjes, Michael Fallon dhe homologun e tij kanadez Harji Sajjan, transmeton Anadolu Agency (AA).

Në njoftimin me shkrim të Pentagonit thuhet se Mattis në bisedën me Stoltenberg ka theksuar se NATO është jashtëzakonisht e rëndësishme për SHBA-të dhe se Washingtoni do të mbajë lidhjen e saj vendimtare në këtë aleancë.

“Mattis dhe Stoltenberg theksuan rëndësinë e ruajtjes së vlerave të përbashkëta rreth të cilave është mbledhur Aleanca Veriatlantike”, theksohet në njoftimin.