Manchester, 4 të plagosur dhe një i arrestuar në sulmin me thikë

Autoritetet në Manchester të Britanisë së Madhe bënë të ditur se kanë arrestuar një person pas një sulmi me thikë në një qendër tregtare, ku 4 persona mbetën të plagosur, transmeton Anadolu Agency (AA).

Policia tha se nuk raportohet për fatalitet pas sulmit në qytetin veriperëndimorë të Anglisë.

Policia e Manchesterit tha se personi i moshës 40-vjeçare u arrestua nën dyshimin e sulmit serioz dhe u dërgua në paraburgim.

Shërbimi i Ambulancës "North West" tha se janë duke trajtuar 4 personat e sulmuar me thikë, pasi u thirrën në qendrën tregtare Arndale.