Liga Arabe nuk do të diskutojë krizën e Gjirit në takimin e sotëm

KAJRO (AA) - Liga Arabe ka mohuar zërat se do te diskutojë krizën politike në Gjirin Arab gjatë një takimi i cili është planifikuar të mbahet sot, raporton Anadolu Agency (AA).

Trupi pan-arab do të takohet në Kajro në një mbledhje të nivelit të delegatëve të përhershëm ku pritet të diskutoj mbi praninë në rritje të Izraelit në Afrikë.

Takimi vjen në vazhdën e krizës politike që përfshiu rajonin e Gjirit, pasi paraprakisht Arabia Saudite, Emiratet e Bashkuara Arabe, Bahreini, Egjipti dhe Jemeni, ndërprenë lidhjet me Katarin me pretendimet se "mbështet terrorizmin".

"Nuk ka asnjë pikë në axhendën e takimit lidhur me vendimin e disa shteteve arabe për të ndërprerë marrëdhëniet diplomatike me Katarin", deklaroi zëdhënësi i Ligës, Mahmud Afifi.

Ai tha se takimi është thirrur me kërkesë të Palestinës për të diskutuar mbi praninë në rritje të Izraelit në Afrikë. Katari, nga ana e tij, kategorikisht ka mohuar akuzat për mbështetjen e terrorizmit, duke e quajtur vendimin për ta izoluar atë diplomatikisht si "të pajustifikuar".