Kroaci, 48 viktima dhe 4.080 raste të reja me COVID-19
Numri i rasteve aktive sot arriti në 22.408, njoftoi Mbrojtja Civile
Zagreb
Gjatë 24 orëve të fundit në Kroaci u regjistruan 48 viktima dhe 4.080 raste të reja me koronavirusin e ri (COVID-19), transmeton Anadolu Agency (AA).
Numri i rasteve aktive sot arriti në 22.408, njoftoi Mbrojtja Civile.
Midis tyre, 2.240 pacientë janë në spital, nga të cilët 266 janë në respiratorë.
"Që nga 25 shkurti i vitit 2020 kur u regjistrua rasti i parë i infeksionit në Kroaci janë regjistruar 119.706 raste me COVID-19 nga të cilët 1.600 kanë vdekur, 95.698 janë shëruar, nga të cilët 3.349 në 24 orët e fundit", thuhet në deklaratë.
Aktualisht në vetë-izolim janë 51.514 persona.
Deri më tani janë testuar 724.820 persona nga të cilët 11.091 në 24 orët e fundit.