Kancelari gjerman paralajmëron kundër konfliktit më të gjerë në Lindjen e Mesme

Kancelari gjerman, Olaf Scholz, ka paralajmëruar vendet kundër një konflikti më të gjerë në Lindjen e Mesme, transmeton Anadolu.

Duke folur për gazetarët në Hamburg, përpara një takimi të përbashkët të kabinetit gjermano-francez, kancelari Scholz tha se Gjermania dhe Franca qëndrojnë fort në anën e Izraelit kundër sulmeve të grupit të rezistencës palestineze ‘Hamas’.

“SHBA-ja, Mbretëria e Bashkuar, Franca dhe Gjermania janë dakord. Kjo nuk duhet të kthehet në një zjarr të egër në rajon. Kjo është arsyeja pse, në këtë situatë, askush nuk duhet të ushqejë më tej këtë terror. Ne do të flasim dhe do ta koordinojmë nga afër këtë me partnerët tanë në rajon”, tha Scholz.

Scholz tha se së bashku me presidentin francez, Emmanuel Macron, ata po planifikojnë të kenë një telefonatë me presidentin amerikan, Joe Biden dhe kryeministrin britanik, Rishi Sunak, për të diskutuar mbi zhvillimet e fundit.