Irani përsërit sovranitetin e tij mbi ishujt e pretenduar nga Emiratet e Bashkuara Arabe

Irani ka përsëritur sovranitetin e tij mbi tre ishujt e Gjirit Persik, të diskutueshëm me Emiratet e Bashkuara Arabe, transmeton Anadolu.

“Irani do të bëjë gjithçka në fuqinë e tij për të mbrojtur sovranitetin e tij territorial”, tha Nasser Kanaani, zëdhënës i Ministrisë së Punëve të Jashtme të Iranit.

Si Irani ashtu edhe Emiratet e Bashkuara Arabe pretendojnë ishujt Abu Musa, Tunbi i Madh dhe Tunbi i Vogël, të cilët janë kontrolluar nga Teherani që nga viti 1971.

Të premten, samiti vjetor arab i mbajtur në Arabinë Saudite konfirmoi sovranitetin e Emirateve të Bashkuara Arabe mbi ishujt e diskutueshëm dhe mbështeti të gjitha masat e marra nga Abu Dhabi për t’i rifituar ato.

Kanaani tha se Teherani vlerëson qëndrimet pozitive të shprehura nga disa pjesëmarrës në samitin arab për nxitjen e bashkëpunimit dhe dhënien përparësi dialogut dhe mirëkuptimit të ndërsjellë.

“Bashkëpunimi kolektiv ndërmjet vendeve të rajonit për konstruktivizëm dhe siguri endogjene janë komponentë themelore të zhvillimit të një rendi të ri në rajon. Republika Islamike e Iranit e ka konsideruar gjithmonë atë si një domosdoshmëri rajonale”, shtoi ai.