Bota

Irani liron gazetaren ruse

Yuzik mbërriti në Teheran më 29 shtator dhe u arrestua më 2 tetor në dhomën e saj të hotelit

Ekip   | 10.10.2019
Irani liron gazetaren ruse

Moskë

Rusia bëri të ditur se Irani ka liruar gazetaren ruse e cila ishte ndaluar për gati dy javë për shkelje të vizave, transmeton Anadolu Agency (AA).

Ambasada ruse në Teheran ka thënë se Yulia Yuzik u la e lirë dhe u largua nga Irani mëngjesin e sotëm në një fluturim të "Aeroflot" dhe se ajo do të arrijë në Moskë.

Yuzik mbërriti në Teheran më 29 shtator dhe u arrestua më 2 tetor në dhomën e saj të hotelit.

Javën e kaluar, autoritetet iraniane thanë se çështja kishte të bëjë me një shkelje të vizave dhe nuk ka lidhje me spiunazh.

Yuzik, e cila ka punuar për disa botime të shquara ruse dhe ka raportuar nga Irani, më herët kishte postuar fotografi nga udhëtimi i saj në Instagram, duke thënë se i pëlqente të ishte në Iran.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın