Indonezi, 16 të vdekur nga shembja e një miniere ari

Nga shembja e një miniere të paligjshme ari në krahinën Sulawesi Verior të Indonezisë, 16 persona humbën jetën, njofton Agjencia Kombëtare për Menaxhim me Katastrofa (BNPB), transmeton Anadolu Agency (AA).

Zëdhënësi i BNBP-së, Sutopo Purwo Nugroho, tha se të shtunën kanë gjetur edhe 7 trupa.

"Ekipet e shpëtimit deri më tani kanë arritur të gjejnë 18 të mbijetuar dhe i bartën në një vend të sigurtë", shtoi Nugroho.

Nga rrëshqitja e dheut në minierën e paligjshme të arit më 26 shkurt u bllokuan një numër i panjohur i minatorëve, kurse ekipet e shpëtimit vazhdojnë të kërkojnë për të mbijetuar.

Operacionet e kërkim shpëtimit pritet të zgjasin deri më 11 mars.