Hulusi Akar dhe Kryetari i MIT-it vizituan Rusinë

ANKARA (AA) - Ministri i Mbrojtjes i Turqisë, Hulusi Akar dhe kryetari i Shërbimit të Inteligjencës Turke (MIT), Hakan Fidan, kanë vizituar Rusinë, ku u takuan me ministrin rus të Mbrojtjes Sergey Shoygu. Delegacioni do të pritet edhe nga president i vendit, Vladimir Putin, transmeton Anadolu Agency (AA).

Sipas informacioneve të siguruara nga gazetari i AA-së, Akar dhe Fidan sot në mëngjes kanë udhëtuar për në Moskë për të zhvilluar takime zyrtare.

Delegacioni turk, në kuadër të vizitës në Moskë ka realizuar takim me delagacionin rus të udhëhequr nga ministri i Mbrojtjes Shoygu, ku janë trajtuar çështjet e sigurisë rajonale, gjendja në Siri dhe bashkëpunimi bilateral.

Delegacioni turk do të pritet edhe nga president Putin.

Akar dhe Fidan, edhe më 17 gusht kishin vizituar Moskën, ku ishin takuar me ministrin rus Shoygu dhe zyrtarë të tjerë.