Holandë, përfundon pengmarrja në Apple Store të Amsterdamit

Ka përfunduar pengmarrja në dyqanin kryesor të shitjes me pakicë të Apple në Amsterdam të Holandës të martën vonë me arrestimin e një të dyshuari, transmeton Anadolu Agency (AA).

Policia e Amsterdamit shkroi në Twitter se i armatosuri pas arrestimit u dërgua në spital.

"Oficerët arritën të ndalonin pengmarrësin duke e përplasur me një automjet policie teksa ai doli me vrap nga ndërtesa", tha policia.

Policia njoftoi se ata "po kryejnë ende kërkime të gjera" në Apple Store në sheshin qendror Leidseplein.

Sot më vonë pritet të mbahet një konferencë për media lidhur me incidentin. Sipas mediave lokale, disa persona janë nxjerrë të sigurt nga dyqani.

“Supozohet se ata ishin pjesë e personelit dhe blerës që ishin në katet e sipërme të dyqanit kur ndodhi grabitja e armatosur dhe ishin strehuar në mensë”, raportoi DutchNews.