Hamburg, gjatë protestave shfaqen simbolet e PKK-së

HAMBURG (AA) - Në marshin protestues të Samitit G20 në qytetin Hamburg të Gjermanisë u shfaqën simbolet e organizatës terroriste PKK dhe u hapën posterët e udhëheqësit Abdullah Öcalan, raporton Anadolu Agency (AA).

Policia e Hamburgut bëri të ditur se në marshin protestues morën pjesë rreth 20 mijë persona.

Në protestat e organizuara nga slogani “Mirë se nuk erdhe G20”, morën pjesë edhe mbështetësit e organizatave terroriste PKK, MLKP dhe YPG.

Në marshin ku morën pjesë një numër i madh i policëve, tërhoqi vëmendjen mosndërhyrrja e policëve ndaj simboleve të cilat janë të ndaluara.

Si pasojë e incidenteve të dhunshme që ndodhën dje në Hamburg, 213 policë janë lënduar ndërsa 264 protestues janë ndaluar.